Kombëtarja e Kosovës ka dështuar të kualifikohet në finale të ‘play-off’ duke u mposhtur nga Maqedonia e Veriut.

Ndeshja ishte e baraspeshuar me “Dardanët” që sulmonin më tepër, derisa rezultati përfundimtar ishte në anë të vendasve (2 – 1), shkruan portali arbresh.info.

Pas 16 minutave lojë, Benjamin Kololli realizoi autogol duke u munduar të ndaloj gjuajtjen, gabimisht e devijoji duke e dërguar në portën e Muric-it.

Shifrat u barazuan përmes Florent Hadergjonaj, që realizoi supergol në minutën e 29-të duke përfituar nga gabimi trashanik i portierit vendas.

Mirëpo, pas katër minutave Velkovski ktheu epërsinë pas harkimit të Enis Bardhi-t.

Në pjesën e dytë, të dy skuadrat provuan gjatë tërë kohës të gjejnë rrugën drejt golit, por s’ia arritën.

Vendasit shënuan edhe dy herë të tjerë, mirëpo në të dy rastet ishin në pozitë jashtë loje.

Tani Kosova duhet të kthejë vëmendjen nga Liga e Kombeve, derisa Maqedonia e Veriut do përballet me Gjeorgjinë në finale të ‘play-off’./arbresh.info.